Sin-nî kiong-hí ！ 新年恭喜!?

Sin-nî kiong-hí ！ Iū-koh beh lâi gêng-chiap sin ê chi̍t-nî, m̄-chai lí sī án-chóaⁿ chún-pī ê？

新年恭喜！又要迎接新的一年，不知您是如何準備的？

Kin-nî 2023, 01goe̍h 22 ji̍t sī Lông-le̍k Sin-chiaⁿ, chìn-chêng-ji̍t chiū-sī saⁿ-cha̍p-mê. Hit chá-khí góa khiâ o͘-tó͘-bái chah koah-chháu-ki/ tōa-ki chián-to/ chi̍t-siang chhiú-lông/ sè-ki ku̍t-á/ chi̍t-koàn chúi, khì chéng-lí "Ngô͘-kà lūi-tāi ê hûn-bōng".

今年2023年一月22日是農曆元旦，前一天是大除夕夜。上午我騎機車帶著割草機和大剪刀還有手套和小鋤子及一罐水，前去整理＂吳家累代之墳墓＂。

Sè-hàn ê sî, ta̍k-nî beh kòe-nî chêng, tû-liáu tàu e-bō, hiâⁿ-hóe chhoe-kóe, m̄ it-tēng ài piàⁿ-sàu chhù-lāi-gōa, mn̂g-thang/ í-toh/ thô͘-kha sé kah chheng-khì liu-liu, m̄ àn bîn-chhn̂g-kha/ toh-á-kha/ tû-á-téng kā bô-ài ê mi̍h-kiāⁿ chheng-chheng chhut-lâi, thang bē hō͘ siu phái-tâng-kū-siah ê. 

小時候，每逢過年前，除了幫忙推磨，燒材火蒸年糕，也一定要打掃房屋內外，門窗／桌椅／地板洗得清潔溜溜，也從床舖／桌底下及廚子上不用的拿到外面，賣給回收商。

"Ngô͘-kà lūi-tāi ê hûn-bōng" chit-ki bōng-pi chhāi tī kái-chō choh Hàn-sit thióng-á ê āu-piah-bīn, sī góa ê a-kong Ngô͘ Hui tī Chiau-hô cha̍p-la̍k nî (1941) só͘ khí-chō. Tng-sî sī Ji̍t-pún chèng-hú tī Tâi-oân tī-lí í-keng chhiau-kòe 45nî, mā-sī Ji̍t-pún chèng-hú lī-khui lán Tâi-oân ê chêng sì nî. Ji̍t-pún- sit  bōng-hn̂g ê thô͘-kha sī pêⁿ ê, Hàn-sit ê sī chi̍t tōa-ê thô͘-tui, kok-iú te̍k-sek. Góa kò-jîn kám-kak Ji̍t-pún-sit ê khah chheng-iu. 

＂吳家累代之墳墓＂這支墓碑位於改造為漢式墳塚的背後，是阿公－吳輝於昭和十六年（1941年）所起造。當時是日本政府治理台灣已超過45年，也是日本政府離開台灣的前四年。日式墓園的地板是平的，漢式是一個大土堆，各有特色。我個人感覺日式的比較清幽。

Chéng-lí āu, khiā tī bōng-pi chêng.  2023.01.21. tiong-tàu.

整理後攝於墓碑前，2023.01.21. 午後

Kin-á-ji̍t thiⁿ-khì iau sǹg chin-hó, kàu-ui í-keng teh-beh cha̍p-jī-tiám, ji̍t-thâu iā bô kài iām. Chi̍t-ē kàu lán ê bōng-hn̂g, khòaⁿ kui-ê hn̂g-khu ū iú-koan tan-ūi lâi chéng-lí kòe ê khoán, só͘-í iā khah hó chéng-lí. khah bô chi̍t-tiám-cheng tō oân-kang.　Iā pau-koa tī lán thâu-chêng nn̂g-pêng ê nn̄g-mn̂g, mā sūn-chhiú chéng-lí chi̍t-ē.

今天的天氣還算很好，到了墓園也快十二點，日照還不太強烈。到了我們的墓園，一看整個園區似乎已有相關單位還整理過，所以也比較好整理，不到一小時就收工了。也包括在我們前面兩旁的兩門，也順手整理一下。

Tī lán Hàn-sit-bōng thâu-chêng nn̂g-pêng ê nn̄g-mn̂g hong-súi, mā-sī tī Chiau-hô 16 nî khì ê, A-kong só͘ chò ê iā-sī chit-chiòng khoán-sit, eng-kai sī Ji̍t-pún chèng-hú ê kui-tēng.

我們漢式墳墓前的左右各一門日式墳墓，也都是在昭和十六年所立的。阿公所造的也是這個格式，應該是日本政府規定的。

M̄-chai lán Ngô͘-kà àn tang-sî khai-sí, sī tī Kū-le̍k Sin-chiaⁿ khì sàu-bōng, ē-kì-tit góa tī tiong-ha̍k í-āu it-ti̍t ahne. Góa leh siō͘ⁿ he-sī in-ūi " su-chhin chêng-chhiat" , sui-jiân chhin-lâng í-keng kòe-óng to-nî, sīm-chì só͘ cha̍p nî, m̄-ku tī chit-ê tiōng-iàu ê nî-cheh, mā-sī thoân-îⁿ ê sî-chūn, mā beh lâi kap khòaⁿ-bē-tio̍h ê chhin-lâng chò-hóe kòe cheh.  

不知我們吳家從何時開始，是在農曆元旦來掃墓的，記得我在初中以後一直如此。我猜想那是因為＂思親情切＂，雖然親人已世多年，甚至好幾十年，但在這重大年節也是團聚的時刻，也要來與肉體相隔的家人／親人相聚。