Góa tī Tióng-hin kàu-hōe ê tiám-tih 我在長興教會的點滴

Góa tī Tióng-hin kàu-hōe ê tiám-tih

我在長興教會的點滴

Chok-chiá: Lâm-thâm Kui-jîn Tâi-lâm Tâi-oân-kok

Iok-hān (Tong-phek) Ngô͘  2024.07.03

作者：南潭 歸仁 台南 台灣國

約翰 (東壁) 吳  2024.07.05

 

  1968 nî, ka-hū in-ūi khok-tián ióng-ke-tiô͘ⁿ ê tiô͘ⁿ-só͘, poaⁿ-lâi chit-má góa khiā-khí ê Kui-jîn khu Lâm-teng lō͘ 473 hāng 5 hō, tùi hit-sî sóa lâi lán Tióng-hin kàu-hōe choh lé-pài.

 1968年，家父因為擴展養雞場的場所，搬來現今我居住的歸仁區南丁路437巷5號，從那時遷來我們長興教會做禮拜。 

Goán goân-pún tòa tī Pak-khu, Kong-hn̂g lō͘ bóe ê La̍k-kah-téng, chêng-āu chha-put-to cha̍p-jī nî kú. Chêng lak-nî, góa ta̍k-ji̍t chē kong-chhia khì chhī-lāi ê Éng-hok kok-sió tha̍k-chheh, lé-pài-ji̍t mā siāng-khoán chē chhia khì Lâm-mn̂g kàu-hōe thak Chú-ji̍t-o̍h, í-āu khai-siat La̍k-kah-téng kàu-hōe (Kin-á-ji̍t ê Tāi-kong kàu-hōe) chiū tī hia lé-pài.

我們原本住在北區公園路尾的六甲頂，前後差不多十二年之久。前六年，我每天搭公車去市區的永福國小上學，禮拜天也一樣搭車去南門教會上主日學，以後開設六甲頂教會 (今日的大光教會) 就在那裏禮拜。

1969 nî, góa thak Āu-kah ê Chû-iù ko-kang , chiū tòe pē-bú lâi Tióng-hin chham-ka chheng-liân thoân-khè. Kàu-hōe ê thoân-tō sī Phêⁿ, Tek-siu bo̍k-su( hit-sî i iau sī sîn-ha̍k-seng ), lé-pài ê lâng-sò͘ chha-put-to saⁿ-cha̍p lâng chó-iū, chheng-liân cha̍p sò͘ ê, ū Khó͘ tió͘ⁿ-ló ê kong-chú Siāu-chong hiaⁿ, Sò͘-chin ché, in lóng tha̍k Tâi-lâm Ko-siong, kap Sò͘-cheng ché saⁿ ūi; Tân tió͘-ló ê kong-chú Kok-hong hiaⁿ, i tha̍k Tâi-lâm Jī-tiong, iáu-ū Sò͘-bí ché, hām in sió-tī sió-mōe. In-ūi tī La̍k-kah-téng kàu-hōe ū sì-nî gōa kú, khah si̍p-koàn tī hia, só͘-í kòe kúi lé-pài āu chiū bô tī Tióng-heng lé-pài, m̄-ku hām Phêⁿ bo̍k-su tiāⁿ-tiāⁿ sio kìⁿ-bīn, in-ūi chha-put-to chi̍t nn̄g lé-pài góa tō ài sàng ke-nn̄g hō͘ i.

1969年，我讀後甲的慈幼高工，就跟父母來長興參加青年團契。教會的傳道是彭德修牧師 (那時他還是神學生)，禮拜的人數約三十位左右，青年十幾位，有許長老的公子紹宗兄，素真姐，他們都讀台南高商，及素珍姐三位；陳長老的公子國峰兄，他讀南二中；還有素美姐和他的弟妹。因為在六甲頂教會有四年之久，在那裏較習慣，所以幾個禮拜後就沒在長興禮拜，但和彭牧師卻常見面，因為差不多兩個禮拜我就會送雞蛋給他。

Ē kì-tit góa tak ko-jī ê sî, siū tō-su chí-phài tam-jīm pan-siōng ha̍p-chhiò ê chí-hui, chham-ka choân-hāu ê kun-koa pí-sài. Hit-chūn góa chham-ka kàu-hōe ê sèng-koa-tūi í-keng kúi á tang, mā tī ha̍k-hāu ê ga̍k-thoân tam-jīm kàn-pō͘, m̄-ku iau m̄-bat chí-hui kòe, só͘-í lâi ǹg Phêⁿ bo̍k-su thó kiù-peng, i sūi tah-èng lâi chí-tō, bô phah-sǹg soah tit-tio̍h koan-kun.

記得我讀高二時，被導師指派擔任班上合唱的指揮，參加全校的軍歌比賽。那時我參加教會的聖歌隊已經好幾年，也在學校的樂團擔任幹部，但還未指揮過，所以來向彭牧師求救，他馬上答應來指導，沒料到得了冠軍。

 1972 nî, góa khì chò-peng, bô-kú goán tī La̍k-kah-téng ê thó͘-tē bô sūn-lī sêng-kau, ka-hū put-tek-put khì kò-sò͘, chit toān kî-kan lán Tióng-heng kàu-hōe phèng-chhiáⁿ Chiā bo̍k-su-niô͘ⁿ lâi bo̍k-hōe, i chi̍t-ē chai-iáⁿ goán tau só͘ tú-tio̍h ê tāi-chì, chiū iau-chhiáⁿ goán pē-bú ta̍k-chá-khí khì kàu-hōe chò-hóe kî-tó, kàu Chiā bo̍k-su-niô͘ⁿ lī-jīm, góa ê pē-bú iā ióng-sêng ta̍k-chá-khí lêng-siu ê si̍p-koàn, óa-khò Siōng-chú ê sim ná kian-tēng.

1972年，我入伍當兵後不久，我們在六甲頂的土地沒有順利成交，家父不得已去提告，這段期間長興教會聘請謝牧師娘來牧會，她得知我家所遇到的事故，就邀請我父母每天清早去教會一起禱告，直到謝牧師娘離任，我的父母已養成每天清晨靈修的習慣，倚靠上主的心愈堅定。

1975 nî, góa thè-ngó͘ khì tha̍k sîn-ha̍k-īⁿ, hân-ká tńg-lâi tòa tī chhù, mā kap pē-bú khì lé-pài, chiah ū ki-hōe jīn-bat Tân, Thiam-teng bo̍k-su, i chi̍t-ē chai-iáⁿ góa tha̍k sîn-ha̍k-īⁿ, chiū ài góa tī ē lé-pài Chú-ji̍t káng-tō, góa m̄-káⁿ the-sî, hit-pái sī góa tē-it-pái khiā káng-tâi, góa iau ē-kì-tit káng-tō ê tê-ba̍k sī “Sìn-gióng ê thoân-sêng”.

   Lé-pài soah tńg-lâi chia̍h tiong-tàu-tǹg ê sî, ka-hū chiah kóng, goân-lâi bo̍k-su chún-pī káng-tō hiah-nī hùi-sim, í-āu góa tō ài jīn-chin thiaⁿ. In-ūi tī hit kúi ji̍t chêng, ū chi̍t-àm ê chi̍t-nn̄g tiám, i khòaⁿ-tio̍h góa ê chheh-pâng tiān-hóe iáu to̍h leh, chiū kòe-lâi thàm, mn̄g góa iāu bē khùn? Góa ìn: iáu-teh chún-pī chit-lé-pài ê káng-tō.

　1975年，我退伍去讀神學院，寒假回來住家裡，也和父母去禮拜，才有機會認識陳添登牧師，他一知道我讀神學院，就要我在下周主日講道，我不敢推辭，那次是我第一次站講台，還記得講道的題目是＂信仰的傳承＂。

　禮拜結束回家吃中飯時，家父說：原來牧師準備講道那麼費心，以後我當認真聽。＂因為在那幾天前，有一晚的一兩點鐘，他看到我書房的燈還亮著，就過來看，問我還沒睡喔？我答：＂還在準備這禮拜的講道。＂

　1988 nî, ka-hū lī-khui sè-kan, góa tū tī An-sūn kàu-hōe bo̍k-hōe, góa iau-chhiáⁿ lán Tio͘ⁿ bo̍k-su chò-hóe chú-chhî kò-pia̍t lé-pài, in-ūi ka-hū ê hōe-che̍k iau tī Tāi-kong kàu-hōe. Í-āu tng góa koh tńg-lâi Tióng-heng lé-pài, ta̍k-pái lé-pài soah, Tio͘ⁿ bo̍k-su lóng ē chhōe góa kóng ōe, bat chi̍t-pái i theh chit-tio͘ⁿ siòng-phìⁿ hō͘ góa khòaⁿ, sī ka-hū siá lâi sàng hō͘ i ê mô͘-pit-jī, i chin kah-ì chiū hām hit-tio͘ⁿ jī-ōe hip chò-hóe.

　1988年，家父別世，我剛好在安順教會牧會，邀請我們的張牧師一起主持告別禮拜，因為家父的會員籍在大光教會。以後當我再回到長興禮拜，每次禮拜結束後，張牧師都會找我聊一陣，他曾經拿一張相片給我看，那是家父寫來送他的毛筆字，他很中意就和那字畫合照。

 2009 nî, tńg-lâi Tióng-heng lé-pài, chho͘-chhù kap Lū bo̍k-su se̍k-sāi, tùi hit-sî nā tńg-lâi Tâi-lâm chiū khah chiap tī chia lé-pài, mā kap hiaⁿ-tī chí-mōe khah-chē lâi-óng.

  Pau-koa Hoân-sēng, sī góa tha̍k ko-kang ê ha̍k-tē, í-āu mā ū chi̍t-tōaⁿ sî-kan chham-ka sèng-koa-tūi.

Lū bo̍k-su lī-jīm Í-āu, Ko bo̍k-su chiap-jīm, chit cha̍p gōa nî lâi, lio̍k-lio̍k sio̍k-sio̍k tī lán Tióng-heng lé-pài.

2009年，回到長興禮拜，初次與呂牧師認識，從那時如果回來台南就較常來參加禮拜，也和弟兄姊妹較熟。包括繁勝，他是我讀高工的學弟，以後有一段時間參加聖歌隊。呂牧師離任後，高牧師接任，這十幾年來陸陸續續在我們長興禮拜。

2023 nî, góa ǹg lán Tân bo̍k-su thê-gī, hoat-hêng khan-bu̍t, hō-choh“ Tióng-heng-kiâu thong-sìn”, thang hām chhut-gōa iá-sī poaⁿ lī-khui ê hiaⁿ-ché liân-hē, in-ūi góa só͘ cha̍p nî lâi, iā ū siá-chok kap phian-chip ê keng-giām, keng-kòe Sió-hōe tông-ì, úi-jīm góa hū-chek phian-chip kap hoat-hêng, iā in-ūi ahne, chit-pún 70 chiu-nî te̍k-khan chiah ū hūn chham-ú.

2023年，我向陳牧師提議，發行刊物，名為＂長興僑通訊＂，可與外出或搬離開的兄姊聯絡，因為我數十年來也有寫作及編輯的經驗，經過小會的同意，委任我負責編輯與發行，也因為如此，這本70周年特刊才有份參與。

   Só͘ cha̍p nî chêng, góa ê pē-bú tī tú-tio̍h so͘-siōng ê khùn-kéng, ka-chài lán tng-sî phèng-chhiáⁿ ê Chiā bo̍k-su-niô͘ⁿ bô-thêng ê pôe-phōaⁿ kap chò-hóe kî-tó, i-ki̍p tng-sî ê nn̄g-ūi tió͘ⁿ-lo – Khó͘, Iông ( Siāu-chong hiaⁿ ê pa-pa, Éng-loân Tió͘ⁿ-lo ê ta-koaⁿ)Tân, Eng-châi tió͘ⁿ-lo (Kok-hong hiaⁿ ê pa-pa, Ông, Chin-hiong tió͘ⁿ-lo ê ta-koaⁿ ) ê thàm-hóng tāi-tó kap chèng hiaⁿ-ché ê koan-sim, m̄-niā tit-tio̍h Siōng-chú ê lîn-bín, sìn-sim mā ná kian-tēng.

　數十年前，家父母在遇到訴訟的困境時，所幸我們當年所聘請的謝牧師娘不停地陪伴及一起禱告，以及當時的兩位長老許揚（紹宗兄的爸爸／永戀長老的公公）及陳英才（國峰兄的爸爸／王真香長老的公公）的探訪代禱，加上眾兄姊的關心﹑不只得到上主的憐憫，信心也愈堅定。

  Tī góa thè-ngó͘ tńg-lâi chhù ê sî, ka-hū mn̄g góa ū siáⁿ-mih phah-sǹg, góa kóng: Choh peng chêng chiū khó-tio̍h Tâi-lâm sîn-ha̍k-īⁿ, góa koat-tēng beh khì thak. I soah kóng: Lín hiaⁿ-ko choh kang-thêng-su, lí í-āu beh choh bo̍k-su, ahne chit-ê ke-tiô͘ⁿ soah bô-lâng chiap ! Góa chai-iáⁿ i chin sit-bāng, mā chí-ū tī kî-tó tiong kiû Chú lâi lîn-bín goán.

在我退伍回到家時，家父問我有甚麼打算，我說：當兵前就考上台南神院，我決定去讀。他卻說：你哥哥當工程師，你以後要當牧師，這樣，這個雞場就沒人接續了！我知道他很失望，也只有在禱告中求主來憐憫我們。

 Kàu góa sîn-ha̍k-īⁿ tē-saⁿ nî, tō ài khì Tâi-tiong ê Tong-hái tāi-ha̍k chìn-siu chi̍t-tang, ka-hū m̄-niā chài góa khì hóe-chhia-thâu, chhut-mn̂g ê sî kā góa kóng: góa thiaⁿ lín ma-ma kóng, lí chit tang beh choan-sim tha̍k-chheh, só͘-í bô-beh khì kàu-hōe si̍t-sip, āu-kò-goe̍h khí, góa ta̍k-kò-ge̍h kià seng-oa̍h-hùi hō͘ lí.

到我神學院第三年，需要前往台中的東海大學進修一年，家父不只載我去火車站，出門前對我說：我聽你媽媽說，你這一年要全心讀書，所以不去教會實習，下個月起，我每個月寄生活費給你。

  Ka-hū tùi tī góa tha̍k sîn-ha̍k-īⁿ ê choân-le̍k chi-chhî, chit-chióng choán-piàn, góa khak-sìn sī tī lán kàu-hōe tit-tio̍h pôe-ióng ê, thong-kòe lán kàu-hōe, góa iā tit-tio̍h Siōng-chú ê chiok-ho̍k, só͘-í ē-thang tī góa thè-chhut choân sî-kan ê ho̍k-sāi í-āu, tī lán kàu-hōe chham-ú tan-po̍h-á sū-kang, sī góa hôe-èng Siōng-chú ê lîn-bín kap un-tián ê.  

 Goān Siōng-chú kian-kò͘ góa ê chhiú só͘ choh ê kang, lī-ek chèng-lâng, iā thang hō͘ I ê miâ tit êng-iāu.

家父對於我讀神學院的全力支持，這種轉變，我確信是在我們教會得到的栽培，藉由我們教會，我也得到上主的祝福，所以得以在我退出全時間的服事之後，在我們教會參與些微的事工，是我回應上主的憐憫與恩惠的。願上主堅固我手所做的工，有益眾人也可使祂的名得榮耀。

　　　　　　　　　　　　 2023 nî tī Ò-chiu ê Soat-lê (SYDNEY)　

　　　　　　　　　　　　　2023年攝於澳洲雪梨

附註：本文為＂長興教會七十周年特刊＂所寫，並刊載；印製中，請代禱。